Пад Светлагорскам затрыманы грамадскія актывісты і мясцовыя жыхары, якія не згодныя з будаўніцтвам завода

2012 2012-05-31T17:16:20+0300 1970-01-01T03:00:00+0300 be http://spring96.org/files/images/sources/gavary_praudu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Міліцыя Светлагорска 31 траўня затрымала актывістаў грамадзянскай кампаніі «Гавары праўду!», журналістаў і мясцовых жыхароў, якія пратэстуюць супраць будаўніцтва тут завода беленай цэлюлозы.

Сярод затрыманых – журналісты Аліна Радачынская, Аляксандр Баразенка, Сяргей Балай, Іна Студзінская, а таксама актывісты кампаніі “Гавары праўду!” Сяргей Вазняк, Аляксандр Уліцёнак і Міхаіл Пашкевіч.

У РУУС знаходзіцца таксама берасьцейская актывістка «Гавары праўду» Ганна Курловіч.

Актывісты прыязджалі ў Светлагорскі раён, каб дапамагчы жыхарам дабіцца правядзення рэферэндуму па пытанню будаўніцтва завода. Міліцыя прад'явіла абвінавачанне ў парушэнні правіл дарожнага руху і загадала ўсім праследаваць у аддзел.

Дарэчы, паводле неафіцыйнай інфармацыі, у Мінску створана камісія па сітуацыі вакол плануемага будаўніцтва завода беленай цэлюлозы ў Светлагорску. У яе ўвайшоў міністр прародных рэсурсаў і аховы навакольнага асяроддзя У. Цалко і адзін з намеснікаў старшыні Гомельскага аблвыканкама. Стала таксама вядома, што будаўніцтва завода сёлета, ак гэта меркавалася раней, пачата не будзе.

Прычына – неўзгодненасць па падрыхтоўцы да будаўніцтва, асабліва па экалагічных пытаннях. У студзені Беларускі навукова-даследчы цэнтр “Экалогія” прадставіў вынікі экалагічнага абследавання, паводле якіх гранічна-дапушчальныя канцэнтрацыі (ГДК) па шэрагу шкодных рэчываў перавышаюцца каля прамысловай зоны Светлагорска амаль у 5 разоў. Ппаводле заканадаўства, калі існуючыя ГДК перавышаюць норму, то будаваць новыя прадпрыемствы са шкоднымі выкідамі недапушчальна. Некаторыя чыноўнікі затым заявілі, што БелНДЦ “Экалогія” выкарыстаў старыя вымярэнні, а новая экспертыза нібыта паказала нармалёвыя ГДК. Аднак у вачах мясцовага насельніцтва гэта выглядае як спроба зрабіць “правільныя” паказчыкі дзеля будаўніцтва яшчэ аднаго хімзаводу.

У траўні ў Адміністрацыю прэзідэнта паступіл зварот з катэрагычным пратэстам супраць будаўніцтва яшчэ аднаго хімічнага прадпрыемства ў Светлагорску, пад якім падпісаліся больш за 10 тысяч гараджан і жыхароў прыгараднай вёскі Якімава Слабада (нагадаем, што насельніцтва Светлагорска – 69 тыс. чал.). Гэта найбольшая колькасць подпісаў з тых, што калі-небудзь збіраліся ў Светлагорску. Копіі падпісных лістоў атрыманы таксама Саветам міністраў і пасольствам Кітая. Будаўніцтва завода плануецца весці пад кітайскі крэдыт, аднак кітайскі бок не зацікаўлены ў тым, каб у рэгіёнах, куды накіроўваюцца інвестыцыі, пашыраліся антыкітайскія настроі.

Варта адзначыць, што ў апошнія месяцы чыноўнікі імкнуліся давесці да насельніцтва, што  будаўніцтва новага хімзавода ў Светлагорску – справа вырашаная, і таму супраціўляцца гэтаму безсэнсоўна. Аднак згодна афіцыйнаму адказу, які ініцыятыўнага група грамадзян атрымала з Мінпрыроды, на цяперашні час маецца толькі “конкурсная прапанова Кітайскай карпарацыі інжынірынгу на праект будаўніцтва завода”.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international