Паўлоўскаму-малодшаму не дазволілі пікетаваць Акадэмію навук

2012 2012-05-29T00:55:48+0300 1970-01-01T03:00:00+0300 be http://spring96.org/files/images/sources/znak_zabarony.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Малады вучоны збіраўся зладзіць пікет каля Інстытута фізіалогіі Нацыянальнай акадэміі навук Рэспублікі Беларусь 30 траўня. З дапамогай пікета Аляксей Паўлоўскі хацеў прыцягнуць увагу да праблемы з непрадастаўленнем адміністрацыяй інстытута месца ў інтэрнаце.

Мінскі гарадскі выканаўчы камітэт адмову ў правядзенні пікета аргументаваў тым, што ў гэты час на вуліцы Акадэмічнай будуць адбывацца рамонтныя працы.

Бацька Аляксея Аляксей Паўлоўскі лічыць, што адказ з выканкаму з’яўляецца банальнай адпіскай.

“Прадстаўнікі ўлады не хочуць выносіць на публіку праблему, звязаную з недахопам ложка-месцаў у інтэрнатах і непрадастаўлення іх маладым навукоцам. Усё гэта сведчыць пра стан нашай сучаснай беларускай навукі. Што можна казаць пра нейкія навуковыя поспехі, калі элементарна маладым вучоным не даюць месца, дзе жыць”, - кажа Паўлоўскі-старэйшы.

Праз непрадастаўленае маладому навукоўцу ложка-месца ў інтэрнаце ён вымушаны здымаць пакой у кватэры. Амаль уся стыпендыя Аляксея ідзе на аплату жытла.

Нагадаем, што аспірант Аляксей Паўлоўскі пасля скаргі ў Адміністрацыю прэзідэнта і Міністэрства адукацыі на непрадастаўленне яму ложка-месца ў інтэрнаце быў выключаны з аспірантуры. Праз суд ён здолеў аднавіцца. Выкладчыкі прызналі, што ў яго няма праблем з засваеннем навуковага працэсу, і гадавы курс ён асіліў фактычна за два месяцы. У магістратуры, якую ён скончыў у Магілёве, Аляксей меў сярэдні бал “дзевяць”.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international