Магілёўскі прафсаюзны актывіст абскарджвае сваё затрыманьне

2006 2006-10-23T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Ужо другі раз на працягу кастрычніка міліцэйскім патрулём у Магілёве быў затрыманы грамадзкі актывіст і распаўсюднік інфармацыйнага бюлетэню РЭП “Экспресс-инфо” Юры Дарашэнка. Апошняе здарэньне адбылося зь ім каля прахадной Магілёўскага мэталюргічнага завода, дзе Ю.Дарашэнка раздаваў мінакам сьвежы нумар бюлетэню, які, дарэчы, мае ўсе неабходныя рэквізыты і адпавядае патрабаваньням Закону аб друку. Аднак міліцэйскі патруль, выкліканы да прахадной кімсьці з супрацоўнікаў прадпрыемства, затрымаў распаўсюдніка і даставіў яго ў пастарунак Ленінскага РАУС. Там, нягледзячы на прадастаўленыя матэрыялы наконт поўнай законнасьці сваіх дзеяньняў, Ю.Дарашэнка быў пратрыманы каля сорак хвілін. Столькі часу спатрэбілася капітану міліцыі Юрыю Кірыловічу для азнаямленьня са зьместам выданьня. Пасьля таго, як міліцыянты ўзялі пісьмовае тлумачэньне ад прафсаюзнага актывіста, апошні быў выпушчаны з пастарунку без складаньня ніякіх пратаколаў і, натуральна, без атрыманьня прабачэньняў.

Аднак Юры Дарашэнка ня лічыць эпізод са сваім чарговым затрыманьнем вычарпаным. Ён зьвярнуўся з адмысловай скаргай у абласное ўпраўленьне ўнутраных справаў на паводзіны магілёўскай міліцыі, якая ўжо неаднойчы чыніла неабгрунтаваныя перашкоды законнаму распаўсюду інфармацыі, паведаміла прэс-служба Асамблеі НДА.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international