За расцяжку супраць высечкі дрэў – на камісію

Разгляд адміністратыўнай справы мінскага нацыянал-бальшавіка Аляксандра Палякова адбудзецца 24 траўня ў камісіі па справах непаўнагадовых адміністрацыі Заводскага раёна горада Мінска. Пачатак ў 11-15.

Нагадаем, што Аляксандр быў затрыманы падчас правядзення акцыі 9 траўня супраць высечкі дрэў у парку 40-годдзя Кастрычніка. Тады менскія нацболы вывесілі расцяжку на адным з мастоў каля ссечаных дрэў з лозунгам «Што наступнае? Курган Славы?» Яны таксама расклейвалі ў парку і яго наваколлях ўлёткі супраць знішчэньня парку.

Аляксандр Палякоў быў затрыманы разам са сваім таварышам Дзмітрыем Паліенка (яму позва яшчэ не прыйшла). Нацболаў даставілі ў Ленінскі РУУС, дзе былі складзеныя пратаколы аб адміністрацыйным правапарушэнні па артыкуле 17.1 («Дробнае хуліганства»). Пасля чаго нацболы былі адпушчаныя.