Леанід Судаленка напісаў 110 лістоў у Палату прадстаўнікоў

2006 2006-10-19T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 кастрычніка Леанід Судаленка – старшыня Гомельскага гарадзкога аддзяленьня грамадзкага аб’яднаньня “Прававая ініцыятыва” – накіраваў лісты ўсім дэпутатам Палаты прадстаўнікоў Нацыянальнага сходу Рэспублікі Беларусь. Як адзначае аўтар пісьма, звярнуцца да кожнага са 110 дэпутатаў яго вымушае практыка прымяненьня працоўнага заканадаўства, якая склалася ў краіне. Зьвяртаючыся да дэпутатаў, Л.Судаленка піша, што заканадаўства аб працоўных кантрактах, якое прынятае ў разьвіцьцё Дэкрэту прэзыдэнта Рэспублікі Беларусь ад 26.07.1999 № 29 “Аб дапаўняльных мерах па ўдасканаленьні працоўных адносінаў, умацаваньню працоўнай і выканаўчай дысцыпліны”, не забясьпечвае абароненасьць ад самавольства наймальнікаў такую катэгорыю працоўных, як работнікі, якія ня маюць парушэньняў працоўнай і выканаўчай дысцыпліны. У выніку, адзначае аўтар ліста, добрасумленныя работнікі часта пазбаўляюцца свайго канстытуцыйнага права на працу толькі з жаданьня наймальніка.

Л. Судаленка прыводзіць свой прыклад. Да нядаўняга часу ён працаваў юрыдычным кансультантам у Гомельскім упраўленьні “Белтрансгаз”. Парушэньняў ня меў, яго добрасумленная праца неаднаразова заахвочвалася з боку наймальніка. Аднак сёлета наймальнік без абгрунтаваньняў не працягнуў з Л. Судаленкам працоўныя адносіны па заканчэньні тэрміну кантракту, і на яго месца быў прыняты іншы работнік. Пры гэтым з усімі астатнімі работнікамі, уключаючы парушальнікаў працоўнай дысцыпліны, кантракты былі працягнутыя на максымальны тэрмін. “У выніку я, зьяўляючыся добрасумленным работнікам, і да таго ж, маючы на ўтрыманьні 3-х непаўнагадовых дзяцей, толькі з-за жаданьня наймальніка пазбаўлены права на працу”, – адзначае Л.Судаленка.

Л.Судаленка заклікае кожнага дэпутата Палаты прадстаўнікоў прапанаваць унесьці ў заканадаўства норму па абароне работнікаў, якія ня маюць парушэньняў працоўнай дысцыпліны, ад пазбаўленьня працы па заканчэньні тэрміну кантракта, паведамляе www.belngo.info.

Апошнія навіны

Партнёрства

Сяброўства