Сяргей Каваленка этапіраваны ў магілёўскую калонію

2012 2012-05-21T14:25:09+0300 1970-01-01T03:00:00+0300 be

Сяргей Каваленка этапіраваны ў калонію №19 у Магілёве. Па словах яго жонкі Алены Каваленкі, 20 мая ён ужо знаходзіўся ў гэтай калоніі.

Раней там адбываў пакаранне экс-кандыдат у прэзідэнты Дзмітрый Ус, а зараз утрымліваецца асуджаны анархіст Павел Сырамалотаў.

Алена Каваленка:

– Этапіравалі ў суботу, яго ў следчым ізалятары ўжо не было. Што з галадоўкай, са станам здароўя – гэтага нічога не ведаю. Я ж ім не бачылася. Мне не далі сустрэцца з ім, падманулі. Я была ў следчым ізалятары з 16 да 17 гадзінаў у пятніцу, адразу пасля касацыйнага разгляду скаргі. Мне сказалі, што дакументы яшчэ не паступілі з суда. Адразу пасля СІЗА паехала ў суд. Там мне сказалі, што дакументы кур’ерам былі дастаўлены ў СІЗА. Проста яны не захацелі даць спатканне, каб я нешта ведала падрабязней аб стане здароўя.

Сяргей Каваленка ўзнавіў галадоўку 8 мая. Гэта ўжо трэці этап галадоўкі, якую ён пачаў адразу пасля арышту 19 снежня 2011 года. Каваленка быў асуджаны на 2 гады і 1 месяц зняволення нібыта за ўхіленне ад абмежавання волі. А да гэтага пакарання ён быў прысуджаны за тое, што падняў бел-чырвона-белы сцяг на навагоднюю ёлку ў Віцебску.

18 мая Віцебскі абласны суд пакінуў прысуд Сяргею Каваленку ў сіле. Ён і яго абарона рыхтуюць наглядную скаргу на прысуд Каваленкі. Яго адвакат таксама падаў наглядную скаргу старшыні Віцебскага абласнога суда на першы прысуд за ўзняцце нацыянальнага сцяга.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international