Старшыня суполкі Незалежнага прафсаюза на ААТ "Белшына" Рыгор Спасюк і яшчэ чацьвёра сябраў НП абвесьцілі, што далучыцца да галадоўкі Алены Захожай

18.10.2006.

Як паведаміла прэс-служба Асамблеі НДА, адпаведныя заявы яны падалі адразу ў некалькі адрасоў: кіраўніцтву ААТ “Белшына”, у канцэрн “Белнафтахімпрам”, у гарвыканкам ды ў КДБ.Электраманцёр Алена Захожая, якая зьяўляецца намесьніцай старшыні суполкі НП на Белшыне, трымае галадоўку пратэста ўжо паўмесяца. Яна дабіваецца ад наймальніка спыніць дыскрымінацыю работнікаў прадпрыемства паводле прыналежнасьці да свабоднага прафсаюза. Канкрэтныя патрабаваньні – выплаціць прэміяльныя ды грошы на аздараўленьне сябрам НП, а таксама – прадаставіць суполцы юрыдычную адрэсу. Змаганьне Захожай за правы свайго прафсаюза цягнецца з траўня гэтага года. Перш чым рашыцца на галадоўку, жанчына прайшла ўсе магчымыя інстанцыі. Зьвярталася да кіраўніка “Белнафтахімпрама” Аляксандра Бароўскага, падавала ў суд. Ужо падчас галадоўкі напісала ліст прэзыдэнту.

Нягледзячы на тое, што з кожным днём пагаршаецца яе стан здароўя, сп Захожая галадоўку будзе працягваць.

Дадаць камэнтар

Камэнтары