Чарговы экалагічны пракол прадпрыемства пад кіраўніцтвам сенатара Анюхоўскага

2012 2012-05-18T10:00:00+0300 1970-01-01T03:00:00+0300 be http://spring96.org/files/images/sources/druc.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На днях дырэктару «Талачынскага кансервавага завода», а па сумяшчальніцтву сябру Савета Рэспублікі Нацыянальнага Сходу Беларусі Анатолю Анюхоўскаму прыйшлося адказваць на нязручныя пытанні пракурораў у сувязі з залпавым скідам вытворчых сцёкаў у раку Друць.

Пасля траплення крухмальных адходаў, утрыманне кіслароду ў рацэ ўпала да 2% пры мінімальна дапушчальнай лічбе для выжывання рыбы 6%. Як следства - усё жывое ў рацэ загінула. Па падліках спецыялістаў шкода прыродзе ацэньваецца больш як у паўмільярда рублёў і ў бліжэйшы час пасля поўнай ацэнкі сітуацыі можа вырасці яшчэ ў некалькі разоў.

Варта нагадаць, што ў канцы мінулага года Талачынскі кансервавы завод быў аб'ектам іншага экалагічнага скандалу, пра што паведамляў ПЦ "Вясна". Тады тыя ж самыя крухмальныя адходы выліваліся ў бліжэйшым лесе. У дачыненні да працаўнікоў прадпрыемства быў узбуджаны адміністрацыйны працэс, справа скончылася штрафамі, якія як цяпер відаць, нічаму кіраўніцтва прадпрыемства не навучылі.

А можа быць прычына ў тым, што нялёгкая праца сенатара не дазваляе спадару Анюхоўскаму належным чынам кіраваць прадпрыемствам? Цяжка сказаць, якую карысць прынесла краіне праца Анюхоўскага ў Савеце Рэспубліцы. А вось экалагічны ўрон, які за час яго кіраўніцтва нанесла прадпрыемства прыродзе, будзе адчувальны яшчэ доўгія гады.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international