Суддзі заблыталіся ў судах

2012 2012-05-15T11:03:20+0300 1970-01-01T03:00:00+0300 be http://spring96.org/files/images/sources/sud8.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 

Баранавіцкі прадпрымальнік Мікола Чарнавус звяртаўся ў Брэсцкі абласны суд з просьбай адмяніць рашэнне Баранавіцкага гарадскога суда адносна непадведамаснасці агульнаму суду разгляду справы аб незаконных выбарах Савета мясцовага рынка і накіраваць справу на новы разгляд.

У абласным судзе незадавальненне іску растлумачылі тым, што справу Чарнавуса павінен разглядаць Брэсцкі гаспадарчы суд, пры тым, што двойчы ў гаспадарчым судзе ( суддзі Людміла Леванчук і Таццяна Людвіг) яму адказвалі, што яго справай павінен займацца агульны суд.

Па словах юрыста-праваабаронцы Уладзіміра Малея, суддзі гаспадарчага суда выявілі сваю некампетэнтнасць, паколькі ў Пастанове Вярхоўнага суда і Вышэйшага гаспадарчага суда выразна напісана аб тым, што менавіта гаспадарчы суд павінен разглядаць спрэчнае пытанне паміж юрыдычнымі асобамі, якімі з’яўляецца прадпрымальнік Чарнавус, гарвыканкам і ПГУП “Баранавіцкі кааператыўны рынак”.

Нагадаем, што ў снежні 2011 года адміністрацыя гарвыканкама і рынка прызначылі новы Савет, тым самым парушыўшы Указ прэзідэнта №148 і Пастанову Савета міністраў № 375, дзе сказана, што Савет рынка абіраецца на агульным сходзе. Па словах Чарнавуса, ніякага сходу прадпрымальнікаў не было. Ён звяртаўся са скаргай у Баранавіцкую раённую пракуратуру і двойчы ў абласную. Але там ніякіх парушэнняў не ўбачылі.

Чарнавус будзе звяртацца ў гаспадарчы суд і зробіць намаганне, каб суд усё ж такі разглядзеў яго заяву.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international