Разгляд касацыйнай скаргі Сяргея Каваленкі адновіцца 18 траўня

2012 2012-05-10T15:53:03+0300 1970-01-01T03:00:00+0300 be

18 траўня адновіцца разгляд касацыйнай скаргі актывіста КХП БНФ Сяргея Каваленкі ў Віцебскім абласным судзе. Пра гэта паведаміла жонка палітвязьня Алена Каваленка.

10 красавіка судовая калегія Віцебскага абласнога суду адклала разгляд ягонай касацыйнай скаргі, прызначыўшы вязьню комплексную псыхіятрычную экспэртызу ў Навінках.

Пра афіцыйныя вынікі гэтай экспэртызы жонцы Каваленкі невядома, але яна мяркуе, што «Сяргея прызналі псыхічна здаровым, інакш яго б не этапавалі з Навінак зноў у Віцебскі сьледчы ізалятар, дзе ён пачынаў галадоўку і дзе над ім рабілі правакацыі».

Сяргей Каваленка галадаваў зь перапынкам са сьнежня да канца сакавіка, пратэстуючы супроць прысуду ў 2 гады і месяц зьняволеньня за парушэньне правілаў адбыцьця «хатняй хіміі», якую ён атрымаў за вывешваньне бел-чырвона-белага сьцяга на навагодняй ёлцы ў Віцебску.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international