Салігорцы патрабуюць увядзення адказнасці за катаванні

2012 2012-05-10T12:30:50+0300 1970-01-01T03:00:00+0300 be http://spring96.org/files/images/sources/katavanni.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскія грамадскія актывісты накіравалі ў Палату прадстаўнікоў звароты аб у вядзенні ў беларускае крымінальнае заканадаўства паняцця “катаванне” і адказнасці за гэтае злачынства. Таксама ад дэпутатаў патрабуюць пачаць распрацоўку Закону супраць катаванняў.

- Справа ў тым, што беларускае заканадаўства наогул не дае вызначэння панятку “катаванне”, як тое прадугледжваецца Канвенцыяй супраць катаванняў ААН, ратыфікаванай Рэспублікай Беларусь. Ніводны нарматыўна-прававы акт Рэспублікі Беларусь не ўтрымлівае гэтка вызначэння, - кажа сябра салігорскага прадстаўніцтва Беларускага Хельсінскага Камітэту па правах чалавека Аляксей Валабуеў, які з’яўляецца ініцыятарам дадзенага звароту. - Так, у Беларусі існуе адказнасць за перавышэнне службовых паўнамоцтваў і іншыя артыкулы Крымінальнага кодэксу, якія апасродкавана караюць за дзеянні, якія можна трактаваць як катаванні ці жорсткае абыходжанне, але пакарання менавіта за катаванні ў нашай краіне наўпрост няма.

На думку праваабаронцы, нежаданне ўладаў крыміналізаваць катаванні прадыктавана палітычнымі чыннікамі:

- Безумоўна, з’яўленне ў беларускім крымінальным праве панятка “катаванне” і адпаведнага артыкула ў Крымінальным кодэксе, які б прадугледжваў адказнасць менавіта за катаванні, а тым больш з’яўленне Закона супраць катаванняў будзе азначаць публічанае прызнанне наяўнасці фактаў жорсткага ды бесчалавечнага абыходжання з боку прадстаўнікоў афіцыйнай улады ў нашай “выспе спакою і стабільнасці”, - кажа Аляксей Валабуеў.

У сваім звароце да дэпутатаў Палаты прадстаўнікоў актывісты звяртаюць увагу на заўвагі Камітэта супраць катаванняў ААН па Беларусі, зробленыя пад час 47 сесіі мінулай восенню. У прыватнасці, Камітэтам рэкамендавана неадкладна ўвесці ў Крымінальны кодэкс нормы, якія даюць вызначэнне катаванню і кваліфікуюць яго ў якасці крымінальнага злачынства, у поўнай адпаведнасці з артыкуламі 1 і 4 Канвенцыі супраць катаванняў ААН.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international