Каля Ждановічаў затрымалі 13 удзельнікаў пікніка

13 удзельнікаў нефармальнага пікніка затрымаў нарад міліцыі каля пасёлка Ждановічы Менскага раёну (станцыя "Зялёнае"). Сярод затрыманых – барды Зміцер Бартосік і Ігар Сімбіроў, якіх запрасілі выступіць са сваімі песнямі. Прычына затрымання невядомая.

Агулам у пікніку прымалі ўдзел 15 чалавек. Каля 18-й гадзіны нечакана з’явіўся ўзмоцнены нарад міліцыі і затрымаў 13 чалавек. Усіх затрыманых даставілі ў міліцэйскі пастарунак у Ждановічах. Міліцыянты прымусова праводзяць дактыласкапію і запіс затрыманых на відэа.

Усе затрыманыя былі вызваленыя прыкладна ў 21 гадзіну. Каля 22 гадзінаў на Ігара Сімбірова склалі адміністратыўны пратакол. Яго звінавацілі ў непадпарадкаваньні міліцыі пры затрыманьні, у тым, што ён лаяўся і размахваў рукамі. Пазней стала вядома, што яго адвезлі ў Менск.

Ігар Сімбіроў 6 траўня выйшаў на волю пасля 10 сутак адміністратыўнага арышту. 26 красавіка ён прыехаў з Асіповічаў у сталіцу на "Чарнобыльскі шлях", але быў затрыманы і асуджаны за "дробнае хуліганства".