Беларускія ліквідатары: права на бяспраўе (відэа)

2012 2012-04-27T16:44:09+0300 1970-01-01T03:00:00+0300 be http://spring96.org/files/images/sources/valchanin_aliaksandar.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Актывіст АГП Аляксандр Валчанін

Актывіст АГП Аляксандр Валчанін

Беларусь з'яўляецца адзінай дзяржавай на постсавецкай прасторы, дзе гарантыі для ўдзельнікаў ліквідацыі наступстваў катастрофы на ЧАЭС былі адменены раптоўна. Пра гэта распавядаюць жодзінскія ліквідатары з грамадскай арганізацыі «Саюз-Чарнобыль-Беларусь» (г. Кіеў) Аляксандр Валчанін і Аляксандр Равінскі.

Старшыня ГА «Саюз-Чарнобыль-Беларусь» (г. Кіеў) Аляксандр Валчанін: «Нашу грамадскую арганізацыю мы змаглі зарэгістраваць ва Украіне, тройчы падавалі дакументы ў беларускі Мінюст, але ў Беларусі нас так і не зарэгістравалі. Наша арганізацыя ставіць сабе мэтай абараняць правы ўдзельнікаў ліквідацыі катастрофы на Чарнобыльскай АЭС. На жаль, у нашай краіне, у адрозненне ад іншых краін былога Савецкага Саюза, з усіх сацыяльных гарантый засталося толькі права на пазаконкурснае паступленне ў вышэйшыя навучальныя ўстановы. 26 гадоў прайшло з моманту аварыі, ліквідатары - людзі, мякка кажучы, не маладыя. Ім паступаць у ВНУ ўжо не трэба ... Мы дамагаемся хоць бы ўніфікацыі заканадаўства аб ліквідатарах з расійскім. Мы жывем у саюзнай дзяржаве, у Расіі ліквідатарам захавалі савецкія гарантыі. А ў Беларусі - не. Наогул, калі ўрад адмяніў, як прынята казаць, чарнобыльскія льготы, з намі не раіліся. А дзяржава ад адмены багацей не стала. Толькі пакрыўдзілі ліквідатараў».

«На працягу гэтага года ў Беларусі мяняюць пасведчанні ліквідатараў, - распавядае ўдзельнік ліквідацыі Аляксандр Равінскі. - У пасведчаннях новага ўзору слова «ліквідацыя» адсутнічае зусім! Усе мы, як і перасяленцы з зоны адчужэння, будзем пацярпелымі. Але гэта тое самае, што ўдзельніка вайны называць пацярпелым ад вайны! Ліквідатары - не пацярпелыя! Мы ехалі ў зону, рызыкавалі ўласным здароўем, а не проста нас раптам спасцігла бяда і мы пасіўна яе цярпелі. Я ўпэўнены, што гэта вельмі несправядліва. Ды і наогул, наша дзяржава паводзіць сябе нягожа ў адносінах да ліквідатараў. У групе, з якой я быў у Чарнобылі, налічвалася 17 чалавек. У жывых на сёння засталося пяцёра ... Ды і ў нас здароўе, мякка кажучы, пакідае жадаць лепшага. У Беларусі цяпер для ўдзельнікаў ліквідацыі наступстваў катастрофы на ЧАЭС засталося, у прынцыпе, адно права - на бяспраўе».

Беларускія ліквідатары: права на бяспраўе (відэа)

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international