14 кастрычніка ў Магілёве мяркуецца адбыцца мітынг за вызваленьне палітвязьняў
09.10.2006.
Магілёўскі гарвыканкам дазволіў сябрам Аб’яднанай грамадзянскай партыі, Партыі камуністаў Беларускай і Беларускай сацыял-дэмакратычнай партыі (Грамада) правесьці 14 кастрычніка мітынг. Акцыя завецца “За вызваленьне ўсіх палітвязьняў і спыненьне перасьледу з палітычных матываў”.Але каб мітынг адбыўся, ягоныя заяўнікі Ўладзімер Шанцаў ды Юры Новікаў маюць абгрунтаваць паняткі “палітвязень” і “перасьлед з палітычных матываў”. З такой просьбай 22 верасьня да іх афіцыйна зьвярнулася загадчыца ідэалягічнага аддзелу выканкаму Ала Сушкова. Палітыкі пагадзіліся даць неабходныя тлумачэньні, але ў прысутнасьці журналістаў незалежнай ды дзяржаўнай прэсы, паведамляе Радыё Свабода.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
