Генеральнаму сакратару ААН накіравана інфармацыя пра смяротную кару ў Беларусі

2012 2012-04-12T16:12:59+0300 1970-01-01T03:00:00+0300 be

Рух "За Свабоду" накіраваў генеральнаму сакратару ААН інфармацыю пра смяротную кару ў Беларусі.

Як паведаміў БелаПАН актывіст руху праваабаронца Раман Кісляк, генеральны сакратар ААН Пан Гі Мун рыхтуе даклад па пытанні смяротнай кары да 21-й сесіі Савета па правах чалавека ААН, якая адбудзецца ў верасні. Пан Гі Мун прапанаваў праваабарончым арганізацыям падаць яму інфармацыю аб смяротнай кары ў іх краінах.

Паводле слоў Кісляка, у накіраваным ім дакуменце выкладзены пытанні, звязаныя з прымяненнем смяротнай кары ў Беларусі з 1 ліпеня 2011 года па 10 красавіка 2012 года. Праваабаронца паведамляе ў ААН аб тым, што ў Беларусі смяротная кара прадугледжана Крымінальным кодэксам за шэраг асабліва цяжкіх злачынстваў і дагэтуль прымяняецца на практыцы. За аглядны перыяд у Беларусі было пакарана як мінімум чатыры чалавек: 19 ліпеня 2011 года — Андрэй Бурдыка і Алег Грышкаўцоў, якія былі абвінавачаны ў забойстве трох асоб у Гродне і асуджаны 14 мая 2010 года Гродзенскім абласным судом; 15 сакавіка 2012 года расстраляны Уладзіслаў Кавалёў, мяркуецца, у гэты ж дзень — Дзмітрый Канавалаў. Па абвінавачанні ва ўчыненні тэрарыстычнага акту ў мінскім метро 11 красавіка 2011 года яны былі прыгавораны Вярхоўным судом да смяротнай кары 30 лістапада.

Лёс яшчэ аднаго "смертніка" Ігара Мяліка дагэтуль не высветлены. Ён быў абвінавачаны ў серыі забойстваў на дарогах Магілёўскай вобласці ў складзе злачыннай групы і асуджаны 14 верасня 2010 года Магілёўскім абласным судом.

Праваабаронца адзначыў, што падаў у ААН звесткі, як на практыцы выконваюцца смяротныя прыгаворы.

"Бурдыка, Грышкаўцоў і Кавалёў былі пакараныя нягледзячы на тое, што ў Камітэце ААН па правах чалавека зарэгістраваны справы па індывідуальных паведамленнях аб парушэнні іх права на жыццё і ўраду Беларусі высланы ноты аб тым, каб у межах прамежкавых мер абароны не прымяняць смяротную кару ў дачыненні да іх, пакуль справа не разгледжаны ў камітэце", — заявіў праваабаронца. Акрамя таго, дату пакарання смерцю ні прыгавораны да смерці, ні яго адвакат, ні сваякі загадзя не ведаюць. Целы для пахавання сваякам не выдаюць, пра месца пахавання ім не паведамляецца.

Праваабаронца выказаў надзею, што накіраваная генеральнаму сакратару ААН інфармацыя будзе спрыяць устараненню парушэнняў правоў грамадзян, якія ўзнікаюць пры прымяненні смяротнай кары ў Беларусі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international