Суд па справе супраць актывіста Саюзу палякаў аднавіўся

2006 2006-10-04T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Горадні аднавіўся суд па адміністрацыйнай справе супраць актывіста Саюзу палякаў, не прызнанага ўладамі.

Суд заслухаў сьведкаў з боку міліцыі і тых, хто сьведчыў на карысьць Мечыслава Яскевіча, якога абвінавачваюць у хуліганстве. Па інфармацыі Радыё Свабода судзьдзя Людміла Жук зрабіла перапынак да 16 гадзінаў. Адвакат Уладзімір Кісялевіч мяркуе, што пры канцы дня будзе зачытана рашэньне ў гэтай справе.

22 жніўня была прынятая пастанова Кастрычніцкага раённага суду Горадні аб тым, што спадар Яскевіч невінаваты, і справу адносна яго спынілі. Яго абвінавачвалі ў тым, што ён нібыта перашкаджаў рабоце здымачнай групы абласнога тэлебачаньня, якая на гарадзенскіх вайсковых могілках фільмавала сюжэт пра ўскладаньне кветак да магілаў польскіх жаўнэраў.

Паводле пратэсту Кастрычніцкай раённай пракуратуры абласны суд адмяніў рашэньне адносна М.Яскевіча і накіраваў справу на новы разгляд.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international