Вернікі працягваюць маліцца пад сьценамі касьцёла
04.10.2006.
Перадача вернікам менскага бернардынскага касьцёлу сьвятога Язэпа бліжэйшым часам не плянуецца. Прынамсі, яе не адбудзецца ў гэтым і наступным годзе. Пра гэта паведаміў старшыня Камітэту па архівах і справаводстве пры Савеце міністраў Уладзімір Адамушка.Нагадаем, што ў касьцёле святога Язэпа цяпер разьмяшчаюцца Беларускі дзяржаўны архіў-музэй літаратуры і мастацтва і архіў навукова-тэхнічнай дакументацыі. Увогуле ж, у гэтым будынку архівы разьмяшчаюцца з канца 19-га стагодзьдзя.
Кіраўнік Камітэту па архівах адзначыў, што ў будучыні архівы пераедуць з храма. Пад іх будуць прыстасаваныя вызваленыя ці новыя будынкі. Пакуль жа вернікі працягваюць штодня маліцца пад сьценамі касьцёла за вяртаньне сьвятыні, паведамляе “Эўрапейскае радыё”.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
