Прафсаюзнага актывіста звальняюць за інтэрв’ю

2012 2012-04-10T16:06:03+0300 1970-01-01T03:00:00+0300 be

Зь сябрам Свабоднага прафсаюзу Беларускага, электрыкам Мікалаем Расюком Упраўленьне капітальнага будаўніцтва Магілёўскага гарвыканкаму ня будзе працягваць працоўных адносінаў.

Фармальная прычына — сканчэньне тэрміну дзеяньня працоўнага кантракту. Актывіст дапрацоўвае апошнія чатыры дні.

Расюк: «Вы ж добра ведаеце, якія справы ў будаўніцтве цяпер. А я такі чалавек, што маўчаць ня буду. Інтэрвію я даваў пра стан будаўніцтва. Вось гэта ўсё і паўплывала на рашэньне аб маім звальненьні. Мяне ж добра ведаюць. Ім не патрэбны такі чалавек. Мяне нядаўна перавялі на іншую працу. Ранейшая арганізацыя „Інвэстсыстэм“ рассыпалася. Яе расфармавалі, даўгі павесілі на Ўпраўленьне капітальнага будаўніцтва. У ім я адпрацаваў месяцаў пяць. Цяпер буду беспрацоўны. Буду лячыць сваё здароўе. Новае начальства, пэўна, ведала пра маё здароўе, але ж маглі і іншую працу прапанаваць».

Ва упраўленьні капітальнага будаўніцтва звальненьне Мікалая Расюка тлумачаць вытворчай неабходнасьцю:

«Паводле рашэньня Магілёўскага гарвыканкаму арганізацыю, дзе працаваў Расюк, далучылі да нашай арганізацыі. Мы ўзялі ўсіх людзей, якія там працавалі. У нас для яго няма працы. Наагул, усе людзі, якія там былі, дапрацоўваюць да канца кантрактаў і ўсе будуць сыходзіць. Мы ж іх ня можам бязь іхнай згоды звольніць раней, чым кантракт скончыцца. Больш ні з чым звальненьне гэтае не зьвязанае. Нам электрык толькі адзін патрэбны. Мы выконваем функцыю заказчыка, але ж не будаўніка. Так атрымалася. Гэта ж не маё рашэньне», — тлумачыць сытуацыю са звальненьнем Расюка прадстаўнік адміністрацыі Ўпраўленьня капітальнага будаўніцтва.

Гэта ня першае звальненьне актывіста з ініцыятывы наймальніка. У 2009 годзе яго звольнілі з трэсту «Магілёўлаўсанбуд» — таксама па сканчэньні тэрміну дзеяньня кантракту.

Да пэнсіі Мікалаю Расюку тры гады. Ён ліквідатар-чарнобылец. Некалькі разоў спрабаваў ад імя апазыцыйных арганізацыяў выступіць на афіцыйным чарнобыльскім мітынгу. Гарвыканкам слова яму не даваў.

Мікалай Расюк стаў трэцім звольненым прафсаюзным актывістам у Магілёве. Раней таксама з будаўнічых арганізацыяў былі звольненыя сябра прафсаюзу работнікаў радыёэлектроннай прамысловасьці, муляр Аляксей Паўлоўскі і сябра Свабоднага прафсаюзу мэталістаў, грузчык домабудаўнічага камбінату Алег Аксёнаў. Паўлоўскі цяпер судзіцца з былым сваім наймальнікам, каб была зьменена фармулёўка звальненьня і выплачана кампэнсацыя за парушэньне наймальнікам умоваў кантракту. Аксёнаў гэтага дамогся. Таго ж будзе дамагацца і Мікалай Расюк.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international