Уладальнік сайта знаёмстваў атрымаў павестку ў міліцыю

2006 2006-10-03T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Беларусі на сённяшні дзень склалася сітуацыя, калі сайты знаёмстваў канфліктуюць з дзеючым заканадаўствам. А менавіта з Пастановай Савета Міністраў Рэспублікі Беларусь ад 2 траўня 2005г. № 449. Так, нядаўна уладальнік www.amur.by атрымаў павестку ў міліцыю з нагоды працы сайта. Працаўнікамі міліцыі быў складзены пратакол на падставе ар.154 ч.1 Кодэкса Рэспублікі Беларусь аб адміністрацыйных правапарушэннях – Парушэнне правіл ажыццяўлення прадпрымальніцкай дзейнасці.

Адміністрацыя www.amur.by у адмыслова выдаддзеным на гэтай падставе прэс-рэлізе, тлумачыць, што сайты знаёмстваў – гэта звычайная з`явы ва ўсім свеце. А пераважная іх колькасць нават не з`яўляецца ў поўнай меры шлюбнымі агенцтвамі!

Дзейнасць шлюбных агенцтваў выяўляецца ў індывідуальным падборы будучага мужа, жонкі, часта гэта звязана з пераездамі, у тым ліку і ў іншыя краіны. За размяшчэнне анкет у сваёй базе дадзеных, агенцтва бярэ з кліентаў грошы, таму можна казаць аб тым, што гэта іх дзейнасць, якая прыносіць прамы прыбытак, і для ажыццяўлення якой у адпаведнасці з дадзенай пастановай неабходная ліцэнзія.

Звычайны сайт знаёмстваў нават не мае ўласнай анкетнай базы! Як правіла, такія сайты выкарыстоўваюць спецыялізаваныя бясплатныя базы дадзеных. Гэтыя праекты падаюць магчымасць любому жадаючаму дадаць сваю анкету (у тым ліку пад выдуманымі імёнамі), а затым экспартуюць свае базы ўсім жадаючым, у тым ліку, сайтам знаёмстваў для банальнага пашырэння іх сэрвісаў.

У выніку незразумела, чаму менавіта сайты знаёмстваў, якія не маюць уласнай базы анкет, не займаюцца дзейнасцю па стварэнню такой базы, не працуюць з кліентамі наўпрост і якія не здабываюць прамога прыбытку, трапляюць пад уздзеянне дадзенай прапановы.

Выкарыстоўваць такія базы дадзеных можа любы сайт, які не абавязкова спецыялізуецца на знаёмствах або ўзаемаадносінах людзей. Таму ў адрозненне ад шлюбных агенцтваў, якія працуюць з рэальнымі кліентамі, такія службы знаёмстваў, прыкручаныя да нейкага сайту – не больш, чым патэнцыйнае месца для знаёмстваў.

А колькі такіх патэнцыйных месцаў для знаёмстваў у Інтэрнэт?

Тыя жа чаты і форумы – таксама патэнцыйныя месцы для знаёмстваў. Карыстальнікі, рэгіструючыся на форумах і чатах, могуць рэдагаваць свой профіль, у тым ліку і фатаграфіі, адрасы электроннай пошты, нумары тэлефонаў, каментары (іншымі словамі змяняць свае анкетныя дадзеныя), перапісвацца з іншымі жадаючымі пагутарыць і пазнаёміцца (бо большасць з тых, хто прыходзіць на агульнадаступныя форумы і чаты – не знаёмыя паміж сабою!), пакідаць свае каардынаты і кантакты для далейшага знаёмства.

Тое ж самае і ў рэальным жыцці.

Чаму тады не забараняюцца знаёмствы ў барах і дыскатэках? Чаму ад гэтых устаноў не патрабуюць атрымання ліцэнзіі на знаёмства, бо гэта таксама патэнцыйныя месцы для знаёмстваў? Абсурд? Так. Але такі ж абсурд ужываць тэрмін "шлюбнае агенцтва" датычна да інтэрнэт-сайтаў, якія выкарыстоўваюць распаўсюджаныя па ўсім інтэрнэце анкетныя базы у якасці аднаго з сваіх сэрвісаў.

Падвядзем падрахунак. Калі пастанову будуць ужываць і далей у тым кантэксце, у якім яна ўжываецца зараз, то ў Беларусі наогул не застанецца нацыянальных сайтаў знаёмстваў. Яны перабяруцца на іншыя даменныя імёны, напрыклад, у зоне com, за якія будуць плаціць не ў бюджэт сваёй краіны, а замежным кампаніям.

Каму ад гэтага карысць? Нікому. Проста, як чамусьці часта бывае, закон тлумачыцца не ў карысць інтарэсаў сваёй жа краіны і яе грамадзян, якім зараз, каб знайсці сябра па перапісцы неабходна будзе захадзіць на расейскія або, напрыклад, украінскія сайты знаёмстваў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international