«Нашай Ніве» адмовілі ў залі для правядзеньня вечарыны беларускай паэзіі

2006 2006-10-02T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

2 кастрычніка а 12-й у рэдакцыю газэты «Наша Ніва» затэлефанаваў дырэктар Дому літаратара Часлаў Праваловіч. Ён паведаміў, што ня можа даць вялікай залі Дому літаратара 5 кастрычніка а 19-й для правядзеньня вечарыны беларускай паэзіі і прэзэнтацыі кнігі Аляксандра Фядуты «Паэтычны аглядальнік». Ч.Праваловіч матываваў адмову тым, што там мае быць вячэрні спэктакль Тэатру беларускай драматургіі. У згаданым тэатры карэспандэнта «НН» паведамілі, што акурат 5 кастрычніка спэктаклю ў Доме літаратара няма.

Гэтай вечарынай у Менску мелася распачацца сьвяткаваньне 100-гадовага юбілею «Нашай Нівы». Пра новае месца і час вечарыны з удзелам герояў кніжкі А.Фядуты – Рыгора Барадуліна, Віктара Шалкевіча, Леры Сом, Міхася Скоблы, Юркі Голуба, Юр’я Пацюпы, Джэці, Людкі Сільновай, Алеся Бадака, Галіны Дубянецкай, Віктара Шніпа, Ірыны Багдановіч, Глеба Лабадзенкі – чытайце на нашым сайце пазьней.

Імпрэзы да стогадовага юбілею «Нашай Нівы» ўжо прайшлі ў Бэрліне. У Літве юбілей будзе адзначацца на дзяржаўным узроўні. Рашэньне пра гэта прыняў Урад Літоўскай Рэспублікі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international