Затрыманыя палітыкі будуць дамагацца кампенсацыі

2012 2012-03-30T13:16:28+0300 1970-01-01T03:00:00+0300 be

Анатоль Лябедзька, Сяргей Калякін і Аляксандр Атрошчанкаў будуць дамагацца ад міліцыянтаў кампенсацыі за незаконнае зняццё з цягніка ў Оршы. Страты палітыкаў у сувязі з затрыманнем склалі каля 21 мільёнаў беларускіх рублёў.

Менавіта столькі лідарам апазіцыі каштавалі невыкарыстаныя квіткі з Масквы ў Брусель на запланаваную сустрэчу з еўракамісарам Штэфанам Фюле. Апроч гэтага палітыкі запатрабуюць і маральную кампенсацыю, бо віна іх у перавозе наркотыкаў так і не была даказаная. Гаворыць адзін з затрыманых, лідар партыі “Справядлівы свет” Сяргей Калякін:

– У перакладзе на беларускіе грошы, парадка сямі мільёнаў рублёў кожны з нас панёс страты з-за таго, што мы страцілі тыя квіткі, каторыя былі набытыя для праезду да Масквы і затым для пралёта да Брусэля і вяртання назад. Сёння даказана, у тым ліку і супрацоўнікамі органаў унутраных спраў, што нас знялі з цягніка незаконна. Значыць альбо тыя людзі, якія паведамілі органам унутраных спраў аб тым, што тут перемяшчаюцца наркотыкі, павінны панесці за ілжывы данос выдаткі і ўсё астатняе, альбо самі супрацоўнікі органаў унутраных спраў, але такі пазоў будзе абавязкова, ён мае ўсе законныя падставы.

Анатоль Лябедзька, Сяргей Калякін і Аляксандр Атрошчанкаў былі знятыя з цягніка Мінск-Масква па падазрэнні ў перавозе наркатычных сродкаў. Аднак потым гэта абвінавачанне было знятае, а лідараў дэмакратычных аб’яднання асудзілі за нібыта нецэнзурную лаянку на аршанскім вакзале.

Апроч грашовай кампенсацыі Анатоль Лябедзька, Сяргей Калякін і Аляксандр Атрошчанкаў чакаюць ад міліцыянтаў крымінальнага расследвання па факце знікнення ў палітыкаў іх пашпартоў. Паводле пратаколу дагляду, пашпарты апазіцыянераў засталіся у міліцыянта Дзмітрыя Груля, які адмовіўся іх вярнуць уладальнікам.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international