Салігорцы даслалі Лукашэнку паштоўкі супраць смяротнага пакарання (фота)

2012 2012-03-29T12:11:55+0300 1970-01-01T03:00:00+0300 be http://spring96.org/files/images/sources/sal-smiarotn-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскія праваабаронцы працягваюць ажыццяўленне грамадскіх дзеянняў, скіраваных на адмену смяротнага пакарання ў Беларусі.

Гэтым разам грамадскія актывісты гораду дасылалі паштоўкі да Аляксандра Лукашэнкі з патрабаваннем тэрміновага ўвядзення мараторыя на вынясенне смяротных прысудаў і выкананне пакаранняў. У паштоўках патрабуецца неадкладна замяніць усе вынесеныя смяротныя прысуды пазбаўленнем волі.

Сябра салігорскага прадстаўніцтва Беларускага Хельсінскага Камітэту Аляксей Валабуеў таксама даслаў гэткую паштоўку:

- Не ўпэўнены, што дзеючы кіраўнік дзяржавы пабачыць маю паштоўку. Тым не менш, лічу вельмі важным публічна агучваць пазицыю аб неабходнасці тэрміновай забароны смяротнага пакараня. Да таго ж паштоўкі дасылаюцца без канвертаў і пабачыць іх змест зможа не адзін чалавек. Гэта значыцца, што задумацца над неабходнасцю адмены гэтага надзвычай жорсткага і бесчалавечнага пакарання змогуць многія.

Нагадаем, што гэта ўжо не першая спроба мясцовых праваабаронцаў звярнуць увагу на праблему смяротнага пакарання ў Беларусі. Напрыканцы лютага пры падтрымцы мясцовых грамадскіх актывістаў у сталіцы шахцёраў былі распаўсюджаны адмысловыя інфармацыйныя матэрыялы, скіраваныя супраць гэтага архаізму.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international