У ААН пададзена скарга аб катаваннях у дачыненні да Змітра Бандарэнкі

2012 2012-03-27T13:16:48+0300 1970-01-01T03:00:00+0300 be http://spring96.org/files/images/sources/bandarenka1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзмітрый Бандарэнка

Дзмітрый Бандарэнка

Спецдакладчыку ААН па катаваннях накіравана скарга з просьбай расследаваць факты ўжывання катаванняў супраць палітвязня Змітра Бандарэнкі, паведамляе сайт ProtivPytok.Org.

Актывістамі ініцыятывы «Праваабаронцы супраць катаванняў» накіравана тэрміновая скарга, якая падаецца на падставе падазрэнняў аб тым, што ў адносiнах да асобы ўжываюцца катаванні, калі патрабуецца ўмяшальніцтва для спынення такіх дзеянняў.

Аўтары скаргі паказваюць на жахлівы стан здароўя Змітра Бандарэнкі пасля праведзенай у верасні мінулага года аперацыі на хрыбетніку, немагчымасць правядзення прадпісаных медыкамі рэабілітацыйных працэдураў у зняволенні. Паказваецца прымус Бандарэнкі выконваць дзеянні, якія могуць пагоршыць стан ягонага здароўя і нават прывесці да страты здольнасці рухацца (стаянне, хаджэнне ў страі, доўгае сядзенне, нагрузкі на хрыбетнік.) Акрамя таго, узгадваецца адмова даць Змітру Бандарэнку групу інваліднасці.

Спецдакладчыку ААН таксама накіраваныя медыцынскія дакументы, якія пацвярджаюць стан здароўя Змітра Бандарэнкі, а таксама заключэнне экспертызы, праведзенай украінскім спецыялістам Андрэем Раханскім.

Па сцвярджэнні Андрэя Раханскага, ва Украіне пацыентам з такім станам здароўя прызначаецца другая група інваліднасці.

«Сукупнасць прыведзеных медыцынскіх дадзеных сведчыць аб неабходнасці правядзення для Бандарэнкі медыка-сацыяльнай экспертызы з усталяваннем ступені страты працаздольнасці...

Непадаванне Бандарэнку спецыяльных медыцынскіх рэабілітацыйных сродкаў медтэхнікі (артапедычны абутак, кій) можа быць расцэнена як катаванні і жорсткае абыходжанне ", - гаворыцца ў заключэнні экспертызы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international