У Крычаўскім раёне настаўнікі перакваліфікаваліся ў пажарнікаў

2012 2012-03-19T14:44:40+0300 1970-01-01T03:00:00+0300 be http://spring96.org/files/images/sources/volny_horad_nastauniki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Крычаўскім раёне Магілёўскай вобласці настаўнікаў прымусілі выконваць функцыі пажарнікаў-выратавальнікаў – яны абследуюць дамы ў прыватным сектары на прадмет іх супрацьпажарнай бяспекі. Пра чарговую ініцыятыву крычаўскіх чыноўнікаў журналістам незалежнай газеты “Вольны горад” распавялі самі мясцовыя сейбіты разумнага, добрага, вечнага.

Як паведамляе выданне, усё пачалося з каманды ў найкарацейшыя тэрміны правесці абследванне ўсіх дамоў прыватнага сектара на прадмет супрацьпажарнай бяспекі і па яго выніках усталяваць у найбольш небяспечных жылых памяшканнях  пажарныя апавяшчальнікі за кошт бюджэтных сродкаў. Паколькі час для гэтага быў адведзены невялікі, а ў РАНС супрацоўнікаў не хапае, у справу былі “кінуты” педагогі. Пры гэтам, па словах некаторых настаўнікаў, іх нават ніхто толкам не праінструктаваў. Насельніцтва не было шырока праінфармавана пра маючую адбыцца акцыю, і даволі часта з настаўнікаў падчас візітаў адкрыта здзекаваліся і жартавалі: “Ну, якія вы пажарнікі!”.

Па словах журналіста газеты “Вольны горад”, безумоўна, правы настаўнікаў былі парушаны,  аднак яны шмат у чым самі вінаватыя ў такім стаўленні да іх правоў з боку мясцовай улады:

“На працягу сямнаццаці гадоў многія настаўнікі падчас розных выбарчых кампаній бяздумна выконваюць усе незаконныя загады і распараджэнні чыноўнікаў, пра гэта неаднаразова пісаў “Вольны горад”. Што казаць, калі нават зараз, падчас такога яўнага парушэння сваіх правоў, педагогі скардзіліся ў газету на ўмовах захавання ананімнасці. Мяне вельмі засмучае той факт, што многія “сейбіты разумнага, добрага, вечнага” вызначаюцца толькі згодніцтвам, беспрынцыповасцю, адсутнасцю элементарнага чалавечага гонару”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international