Віцебскія ўлады ўспомнілі пра "грамадскае абмеркаванне"

2012 2012-03-14T13:41:48+0300 1970-01-01T03:00:00+0300 be http://spring96.org/files/images/sources/vicebsk-algerd.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У гарвыканкаме вырашылі правесці апытанне, ці варта паставіць помнік віцебскаму князю Альгерду. Дзіўная паслядоўнасць: у 2010 годзе гарвыканкам ужо правёў конкурс на лепшы макет помніка і вызначыў пераможцу. У 2011 годзе ўжо быў усталяваны пастамент пад скульптурную выяву . Цяпер нарэшце вырашылі пацікавіцца грамадскай думкай.

 Галасаванне наконт помніка князю Альгерду праводзіцца на афіцыйным сайце Віцебскага гарвыканкаму. А 13 сакавіка было праведзена "грамадзкае абмеркаванне" праблемы ў Духаўскім кругліку. На яго, паводле БЕЛТА, сабраліся "гісторыкі, археолагі, архітэктар, святары, чыноўнікі, журналісты, неабыякавыя гараджане". Праўда, адкуль там узяліся апошнія – таксама пытанне, бо на гэтую сустрэчу жыхароў Віцебску не запрасілі ні праз газеты, ні праз тэлебачанне…

Прысутныя на так званым грамадскім абмеркаванні выказваюць такую версію падзей: калі гарвыканкам у 2010 годзе выступіў з ідэяй устаноўкі помніка (прычым не аднаго, а адразу трох), то ніхто не думаў пра магчымыя праблемы. Потым здарылася так, што ідэю не зацвердзілі ў Мінску (помнікі ў абласных гарадах мусяць узгадняцца з Міністэрствам культуры і асабіста з Прэзідэнтам). Кажуць нават, што і скульптурная выява князя Альгерда ўжо гатовая, толькі чакае ўстаноўкі на пастамент, які стаіць пусты з мінулага лета на плошчы каля Ўваскрасенскай царквы…

Цяпер адбываецца "другая спроба" усталяваць помнік. І ўлады пачалі з таго, што мусілі зрабіць на самым пачатку – з вывучэння грамадскай думкі, каб потым гэтыя вынікі сталі галоўным аргументам на карысць устаноўкі помніка віцебскаму князю.

Жыхары Віцебску гэтую ідэю падтрымліваюць – яшчэ ў 2010 годзе многія казалі, што помнік грамадскаму дзеячу ВКЛ, падчас кіравання якога Віцебск дасягнуў росквіту, мусіць быць усталяваны абавязкова. А вось  асоба Аляксандра Неўскага, якога таксама прапанавалі ўшанаваць улады, выклікала вялікія спрэчкі. Так што калі паўстане пытанне пра грамадскае абмеркаванне гэтага помніка, вынік можа быць неадназначны.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international