Карняенка просіць Генпракуратуру знайсці спісы невыязных апазіцыянераў

2012 2012-03-14T11:02:07+0300 1970-01-01T03:00:00+0300 be

Лісты з патрабаваннем патлумачыць прычыны забароны на выезд з Беларусі ён накіроўвае ў Генпракуратуру, Памежны камітэт і аддзел па грамадзянстве і міграцыі.

Патурбаваць адразу тры ведамствы, а не чакаць адказу з аддзела па грамадзянстве і міграцыі, палітыку параілі юрысты Беларускага Хельсінскага камітэта.

Віктар Карняенка: “Тут проста ёсць адно жаданне — прыспешыць час, каб гэта было як мага хутчэй. Бо на гэты конт выказваліся і ў Генеральнай пракуратуры, што нічога пра нейкія спісы невядома. Вось, няхай даведаюцца. Яны мусяць назіраць за выкананнем закона і Канстытуцыі — вось няхай і займаюцца сваёй справай”.

Лісты Карняенка накіроўвае ад свайго імя і толькі датычна забароны яму пакідаць краіну. Анатоль Лябедзька, Сяргей Калякін ды Валянцін Стэфановіч будуць гэта рабіць персанальна па сваім вяртанні ў Беларусь.

Карняенка прызнаецца, што доказаў таго, што яго не выпусцілі за мяжу, няма — ніякага штампу ў пашпарт з гэтай нагоды палітыку не паставілі. Але ён мае сведак, запісаў нумары машын людзей, якія выязджалі ў Літву ў той жа час. Магчыма, яны пагодзяцца сведчыць на яго карысць, калі будзе патрэба.

Між тым, палітык не выключае, што забарона на выезд 10 сакавіка была разавая, каб перашкодзіць беларускім апазіцыянерам сабрацца разам у Вільні для абмеркавання агульнай стратэгіі на парламенцкіх выбарах.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international