«Ліберальнаму клубу» адмовілі ў правядзенні дэбатаў пра адносіны Беларусі і ЕС

2012 2012-03-01T11:16:32+0300 1970-01-01T03:00:00+0300 be

Мерапрыемства было запланавана на 2 сакавіка ў галерэі «Ў»

Са слоў Мікіты Бяляева, адміністратыўнага дырэктара «Ліберальнага клуба», з галерэяй «Ў» была дамоўленасць аб выкарыстанні памяшкання для правядзення дэбатаў. Аднак сёння яму па тэлефоне паведамілі, што адмовіліся. Маўляў, няўважліва прачыталі заяўку і не ведалі, што мерапрыемства палітычнае, а ў галерэі іншая скіраванасць.

Тэма мерапрыемства, якое збіраўся ладзіць «Ліберальны клуб», — «У пошуку ідэяў для паляпшэння адносінаў ЕС і Беларусі». Сярод экспертаў, што мелі браць удзел — Аляксандр Філіпаў (Інфармацыйна-аналітычны цэнтр пры Адміністрацыі прэзідэнта), Аляксандр Адамянц (Цэнтр еўрапейскіх даследаванняў), а таксама прадстаўнік Дэлегацыі Еўрапейскага саюза ў Беларусі.

У запрашэнні на мерапрыемства між іншага адзначалася: «Вось ужо больш за год адносіны Беларусі і Еўрапейскага саюза знаходзяцца ў тупіку. Лавінападобна бягучы канфлікт атрымлівае усё новыя праявы, развіваючыся на фоне эканамічных цяжкасцяў абапал Шэнгенскай мяжы і новай хвалі інтэграцыі на постсавецкай прасторы. Пры гэтым абодва бакі маюць жаданне „размарозіць“ складзены статус-кво, аднак з улікам розных прычынаў зрабіць гэта не ўдаецца. Нядаўна стала вядома, што ў асяродку інстытутаў ЕС рыхтуецца новая ініцыятыва для Беларусі — Дыялог для мадэрнізацыі».

Галерэя «Ў» — не першыя, што адмовіў у памяшканіі для дэбатаў на еўратэматыку. Запыт быў накіраваны ў розныя гатэлі горада Мінска, дзе раней неаднаразова ладзіліся мерапрыемствы клубу. Аднак гэтым разам заяўнікам ці адмаўлялі адразу, ці пасля паведамлялі, што няма месцаў.

Апошнія навіны

Партнёрства

Сяброўства