Лёнінг: рэпрэсіі ў Беларусі павінны быць спыненыя

2012 2012-02-28T13:04:55+0300 1970-01-01T03:00:00+0300 be

Упаўнаважаны фэдэральнага ўраду Нямеччыны па правах чалавека Маркус Лёнінг зрабіў заяву ў сувязі з вынясеньнем прысуду Сяргею Каваленку.

Упаўнаважаны Фэдэральнага ўраду па правах чалавека Маркус Лёнінг заявіў:

«Я рэзка асуджаю палітычна матываваны прысуд, які быў вынесены Сяргею Каваленку, і патрабую яго неадкладнага вызваленьня.

Я патрабую гэтага таксама для ўсіх іншых палітзьняволеных у Беларусі. Яны павінны быць неадкладна вызваленыя і рэабілітаваныя.

Мы стаім на баку тых, хто выступае ў Беларусі за свабоду і правы чалавека. Рэпрэсіі, якія працягваюцца супраць іх, павінны быць спыненыя».

На пачатку лютага ўлады Беларусі адмовілі ўпаўнаважанаму ўраду ФРГ па правах чалавека Маркусу Лёнінгу ва ўезьдзе ў краіну.

Лёнінг, паводле нямецкага МЗС, на працягу трохдзённай паездкі ў Менск меўся сустрэцца з актывістамі праваабарончых арганізацый, а таксама перадаць Аляксандру Лукашэнку пасланьне ад міністра замежных спраў Нямеччыны Гіда Вэстэрвэле.

Associated Press са спасылкай на словы Лёнінга паведамляе, што ў лісьце Вэстэрвэле зьмяшчаўся заклік да «гуманітарнага вырашэньня» асобных крымінальных спраў, як мяркуецца, у дачыненьні да палітвязьняў.

Таксама Лёнінг плянаваў наведаць у турме лідэра «Вясны» Алеся Бяляцкага, які асуджаны на чатыры з паловай гады няволі паводле абвінавачаньня ва ўхіленьні ад платы падаткаў, паведамляе Washington Post са спасылкай на агенцтва Associated Press.

Маркус Лёнінг ня раз выказваў падтрымку дэмакратычным сілам Беларусі і заклікаў неадкладна вызваліць і рэабілітаваць усіх беларускіх палітвязьняў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international