Вайтовіч заклікаў Сідорскага часова заняць месца прэзыдэнта

2006 2006-09-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Былы старшыня Савету Рэспублікі Нацыянальнага сходу Беларусі Аляксандар Вайтовіч накіраваў адкрыты ліст прэмер-міністру Сяргею Сідорскаму.
Аляксандар Вайтовіч заклікаў старшыню ўраду з 21 верасьня часова прыняць абавязкі кіраўніка дзяржавы, паколькі з гэтага дня прэзыдэнцкія паўнамоцтвы Аляксандра Лукашэнкі заканчваюцца, а на трэці тэрмін ён быў абраны незаконна, мяркуе акадэмік Вайтовіч.
Сам Вайтовіч камэнтуе Радыё Свабода сытуацыю так: "Прысягу на трэці тэрмін Аляксандар Лукашэнка прыняў незаконна. Гэтая прысяга супярэчыць 8-му артыкулу закону "Аб прэзыдэнту Рэспублікі Беларусь", у якім сказана, што адна асоба можа быць прэзыдэнтам ня больш як два тэрміны. Ягоны трэці тэрмін незаконны, другі заканчваецца 20 верасьня, і таму з 21 верасьня ў нас няма прэзыдэнта. І я зьвяртаюся да Сяргея Сідорскага з напамінам, што ён абавязаны ў адпаведнасьці з законам і Канстытуцыяй ўзяць абавязкі кіраўніка дзяржавы на сябе".
Паводле Аляксандра Вайтовіча, Сяргей Сідорскі мусіць выконваць гэтыя абавязкі да таго часу, пакуль ня будзе абраны новы прэзыдэнт краіны.

Апошнія навіны

Партнёрства

Сяброўства