А.Ляўковічу адмовілі ўсе судовыя інстанцыі

12.09.2006.

11 верасьня выканаўца абавязкаў старшыні Беларускай сацыял-дэмакратычнай партыі (Грамада) Анатоль Ляўковіч атрымаў адказ на скаргу, якую ён накіраваў на імя старшыні Вярхоўнага суду Валянціна Сукалы, паведаміла Радыё Свабода. У лісьце гаворыцца, што "адміністрацыйнае пакараньне ўжытае адпаведна з законам".
Спадара Ляўковіча аштрафавалі на 4 мільёны 650 тысяч рублёў яшчэ ў лютым "за правядзеньне несанкцыянаванага сходу". Як тлумачыць адзін зь лідэраў сацыял-дэмакратаў, насамрэч ён (на той час  давераная асоба кандыдата ў прэзыдэнты Аляксандра Казуліна) "абмяркоўваў вынікі збору подпісаў на карысьць кандыдата".
Анатоль Ляўковіч спрабаваў дамагчыся адмены незаслужанага, на ягоны погляд, пакараньня ва ўсіх судовых інстанцыях Беларусі. Зварот да старшыні Вярхоўнага суду стаў апошняй спробай ягонага судовага маратону.

Дадаць камэнтар

Камэнтары