Кантрактная сыстэма - сродак запалохваньня й расправы зь няўгоднымі, лічаць жанчыны Клічава

12.09.2006.

Абмеркаваньне кантрактнай сыстэмы зладзіла ў Клічаве ГА "Беларуская арганізацыя працоўных жанчын", паведамляе www.belngo.info. Актывісткі арганізацыі запрасілі да сябе прадстаўнікоў Свабоднага прафсаюзу  адмыслоўцаў-юрыстаў у галіне працоўнага заканадаўства. Праваабарончая група, у якую яны ўваходзяць, вядзе збор матэрыялаў пра пацярпелых ад укараненьня кантрактнай сыстэмы. Падзяліўшыся ўласным досьведам, удзельніцы сустрэчы прыйшлі да высновы, што кантракты ў цяперашнім іх выглядзе зьяўляюцца сродкам запалохваньня й расправы зь няўгоднымі. Лектары распавялі прысутным пра два падыходы да зьмяншэньня нэгатыўнага ўзьдзеяньня кантрактнай сыстэмы. Адзін спосаб  праз стварэньне ініцыятыўнай групы па зборы подпісаў, другі  арганізаваць масавыя звароты грамадзянаў да вышэйшай улады. Пакуль клічаўлянкі ня вызначыліся, які варыянт ім больш пасуе. Але з тым, што адстойваць іхнія правы прыйдзецца ім самім, пагадзіліся ўсе ўдзельніцы.

Дадаць камэнтар

Камэнтары