За адмову “адкатваць пальцы” на працоўным месцы -- штраф

2012 2012-02-15T09:28:24+0300 1970-01-01T03:00:00+0300 be http://spring96.org/files/images/sources/daktylaskapija.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Штраф 700 000 беларускіх рублёў вынесла 10-га лютага суддзя Ленінскага раённага суда Гародні Пятрова Алена Аляксандраўна жыхару Гародні Руслану Пецько, да якога яшчэ 27-га снежня 2011 году на працоўнае месца прыйшлі супрацоўнікі міліцыі з патрабаваннем “адкатаць пальцы”.

Для Руслана прыход міліцыі да яго на працу быў нечаканасцю. Ён не мог зразумець, чым аргументаваная такая неабходнасць і запатрабаваў растлумачыць законнасць дзеянняў супрацоўнікаў міліцыі. Праходзіць дактыласкапію ён адмовіўся.

Супрацоўнікі міліцыі склалі пратакол за непадпарадкаванне законнаму патрабаванню службовай асобе дзяржаўнага органу пры выкананні ім службовых паўнамоцтваў і перадалі справу ў суд. У судзе не сталі паглыбляцца ў нюансы справы, а проста спаслаліся на Закон Рэспублікі Беларусь “Пра дзяржаўную дактыласкапічную рэгістрацыю”, ды прызналі гарадзенскага актывіста, які нядаўна адстаяў сваё права карыстацца ва ўласным аўтамабілі сімволікай “Пагоня”, вінаватым.  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international