Зняволеныя застануцца без цёплага адзення

2012 2012-02-09T14:58:33+0300 1970-01-01T03:00:00+0300 be

Зняволеным у беларускіх турмах забароняць перадаваць цёплыя рэчы. З 1 студзеня наступнага года зімовую вопратку асуджаныя змогуць набываць выключна ў адмысловых крамах на тэрыторыі папраўчай установы.

Пра гэта маці палітычнага вязня Аляксандра Францкевіча паведаміла кіраўніцтва Івацэвіцкай калоніі, дзе адбывае пакаранне яе сын. Паводле міліцэйскай пастановы, з наступнага года набываць цёплую вопратку зняволеныя змогуць толькі з грошай на асабістым турэмным рахунку. 

Таццяна Францкевіч: 

- Паведамілі, што з наступнага года ўвойдзе ў сілу пастанова, паводле якой сваё адзенне нельга будзе прывозіць. Яго неабходна будзе набываць у адмысловай краме. Альбо насіць тое, што ім будуць выдаваць. Але гэтае адзенне ў вельмі дрэнным стане, яно ношанае і дзіравае.

Паводле Таццяны Францкевіч, грошай – а гэта 175 тысяч беларускіх рублёў на месяц – зняволеным вельмі часта не хапае нават на ежу, не кажучы ўжо пра зімовую вопратку. У сувязі з увядзеннем новых правіл, маці палітычнага вязня заклікае ўсіх людзей, у каго хоць хтосьці з родных знаходзіцца за кратамі, паспрабаваць перадаць у калонію цёплыя рэчы яшчэ цягам гэтай зімы.

Паводле Таццяны Францкевіч, летам падобныя перадачы забароненыя адміністрацыяй.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international