viasna on patreon

Алесь Бяляцкі – “Грамадскі лідар году-2011”

2012 2012-02-07T20:30:34+0300 1970-01-01T03:00:00+0300 be https://spring96.org/files/images/sources/bialiacki02.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь БЯЛЯЦКІ. Фота Юліі Дарашкевіч

Алесь БЯЛЯЦКІ. Фота Юліі Дарашкевіч

Старшыня Праваабарончага цэнтру “Вясна” Алесь Бяляцкі быў прызнаны лаўрэатам узнагароды “Чэмпіёны грамадзянскай супольнасьці-2011” у намінацыі “Грамадскі лідар году”. Пра гэта стала вядома падчас штогадовай цырымоніі ўзнагароджаньня прэміі, заснаванай Асамблеяй няўрадавых дэмакратычных арганізацый.

Прэміяй “Чэмпіёны грамадзянскай супольнасьці” адзначалі выбітных прадстаўнікоў і арганізацыяў грамадзянскай супольнасьці Беларусі ўжо ў трэці раз. У якасьці прадстаўнікоў Алеся Бяляцкага ўзнагароду прыйшлі атрымаць сябры ПЦ “Вясна” Валянцін Стэфановіч і Тацьцяна Равяка. Валянцін Стэфановіч падзякаваў арганізатарам узнагароды за салідарнасьць і падтрымку Алеся Бяляцкага і адзначыў, што “не гледзячы на тое, што наш "галоўны лесавік" зараз за кратамі, не гледзячы на моцныя маразы, Вясна ўсё адно прыйдзе”.

У намінацыі “Месца году” пераможцам стала Галерэя “Ў”. Перамогу ў намінацыі “Новая ініцыятыва” атрымала кампанія “Народны журналіст”. У намінацыі “Рэгістрацыя году” журы адзначыла “Офіс па правах людзей з інваліднасьцю”, а ў намінацыі “Адмова году”“Цэнтр разьвіцьця валянтэрства”.

У намінацыі “Кампанія году” журы ўзнагародзіла кампанію па зборы подпісаў супраць прыняцьця закону “Аб некамерцыйных аб’яднаньнях”. У рубрыцы “Рэгіянальная падзея/акцыя году” адзначылі забастоўку супрацоўнікаў ЖКГ у Барысаве. Пераможцам у намінацыі “Крэатыў году” стаў інтэрнэт-рэсурс Prokopovi.ch.

Апошнія навіны

Партнёрства

Сяброўства