Баранавіцкі гарвыканкам адмовіўся даваць дазвол на правядзеньне 10 верасьня мітынгу "За свабоду і незалежнасьць" з удзелам Аляксандра Мілінкевіча

06.09.2006.

У афіцыйным лісьце,атрыманым 4 верасьня, у якасьці прычыны, паводле якой мітынг не дазваляецца, называецца той факт, што 15 сакавіка гэтага году ўжо праходзіў мітынг з удзелам лідэра абяднаных дэмакратычных сілаў Беларусі.
"У канцы ліста, - гаворыць сябра Сойму Партыі БНФ Віктар Мезяк, - нават ёсьць падзяка за тое, што мы хвалюемся аб свабодзе і незалежнасьці Беларусі. Тым ня менш мы зьбіраемся накіраваць скаргу ў гарадзкі суд і абласную пракуратуру".
Мітынг з удзелам Аляксандра Мілінкевіча планаваўся на 10 верасня (12:00) у Парку імя 50-годдзя УЛКСМ, паведаміла прэс-служба Партыі БНФ.

Дадаць камэнтар

Камэнтары