У Слоніме нагадваюць пра палітычных вязняў (фота)

Актывісты слонімскага згуртавання дэмакратычных сілаў у гэтыя дні актыўна праводзяць інфармацыйную кампанію сярод мясцовага насельніцтва адносна таго, што ў беларускіх турмах дагэтуль утрымліваюцца палітычныя зняволеныя.

 У розных грамадскіх  месцах: на прыпынках, пад’ездах шматпавярховых дамоў, адміністрацыйных будынках расклеена некалькі сотняў улётак з партрэтамі беларускіх палітычных зняволеных і з заклікам “Свабоду палітвязням!”.

Інфармацыйная кампанія накіравана на тое, каб жыхары Слонімшчыны не заставаліся абыякавыя да праблемы палітвязняў і парушэння правоў чалавека ў Беларусі.