ААН заступіўся за Мечыслава Грыба

2012 2012-02-01T08:30:00+0300 1970-01-01T03:00:00+0300 be

Камітэтам па правах чалавека ААН вынесена станоўчае рашэнне па індывідуальнай скарзе Мечыслава Грыба.  
Камітэтам па правах чалавека ААН вынесена станоўчае рашэнне па індывідуальнай скарзе Мечыслава Грыба аб парушэнні Рэспублікай Беларусь яго правоў, прадугледжаных Міжнародным пактам аб грамадзянскіх і палітычыных правах.
Мечыслаў Грыб пасля таго, як пакінуў пасаду Старшыні Вярхоўнага Савета ў 1996 годзе, атрымаў ліцэнзію адваката і працаваў у адной з раённых кансультацый Мінскай гарадской калегіі адвакатаў.
Пасля пазачарговага іспыту на права заняцця адвакацкай дзейнасцю ў ліпені 1997 года, які былы старшыня Вярхоўнага Савета паспяхова здаў, у выдачы ліцэнзіі яму было адмоўлена па прычыне таго, што ён прыцягваўся да адміністрацыйнай адказнасці за ўдзел у шэсці, прысвечаным гадавіне прыняцця Канстытуцыі Рэспублікі Беларусь. Гэта было расцэнена як парушэнне адвакацкай этыкі.
Падчас абскарджвання адмовы ў выдачы адвакацкай ліцэнзіі Мечыслаў Грыб прайшоў усе нацыянальныя судовыя інстанцыі, і ў 2004-м годзе з дапамогай юрыстаў БХК звярнуўся са скаргай у Камітэт па правах чалавека ААН. Працэс разгляду скаргі доўжыўся каля сямі гадоў.
У выніку Камітэтам было прынята меркаванне, згодна з якім, у справе Грыба Беларусь парушыла яго права на свабоднае выказванне свайго меркавання і на мірныя сходы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international