Паводле неафіцыйных звестак, Мікалай Аўтуховіч пераведзены ў гродзенскую турму

2012 2012-01-31T11:53:29+0300 1970-01-01T03:00:00+0300 be

Паводле неафіцыйных звестак, ваўкавыскі прадпрымальнік Мікалай Аўтуховіч знаходзіцца ў гродзенскай турме. Пра гэта БелаПАН паведаміў яго былы адвакат Павел Сапелка.
"Афіцыйна аб пераводзе Аўтуховіча ў гродзенскую турму мне пакуль ніхто не паведамляў. Але да мяне паступілі звесткі, што ён знаходзіцца ў турме № 1 у Гродне", — сказаў Сапелка.
Нагадаем, 17 студзеня ў івацэвіцкай калоніі № 5 адбыўся суд на Аўтуховічам у сувязі з парушэннем ім рэжыму ўтрымання ў калоніі. Суд прызнаў асуджанага прадпрымальніка вінаватым у злосным парушэнні рэжыму. На гэтай падставе суд Івацэвіцкага раёна вынес прыгавор аб змяненні меры пакарання. Два гады і тры месяцы, якія засталіся да канца адбыцця пакарання, Аўтуховіч правядзе ў турме.
У маі 2010 года Мікалай Аўтуховіч рашэннем Вярхоўнага суда быў прыгавораны да пяці гадоў і двух месяцаў пазбаўлення волі з адбываннем пакарання ў калоніі строгага рэжыму за перавозку і захоўванне пяці патронаў да паляўнічай вінтоўкі.
Праваабаронцы лічаць Аўтуховіча палітзняволеным, указваючы на сур'ёзныя працэсуальныя парушэнні, зафіксаваныя падчас суда.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international