У Францыі патрабуюць арыштаваць Куляшова

2012 2012-01-20T10:01:45+0300 1970-01-01T03:00:00+0300 be

Адвакат Уільям Бурдон 19 студзеня падаў зыск супраць прэзыдэнта Беларусі Аляксандра Лукашэнкі і міністра ўнутраных спраў Анатоля Куляшова.
Ён абвінавачвае іх у катаваньнях і жорсткім абыходжаньні з грамадзянамі, якія праводзілі акцыі пратэсту супраць фальшаваньня вынікаў прэзыдэнцкіх выбараў у Беларусі ў сьнежні пазамінулага году.

Пра гэта паведамляе агенцтва France-Presse. Бурдон цьвердзіць, што ён прадстаўляе інтарэсы «ахвяраў рэжыму Аляксандра Лукашэнкі і ягонага міністра ўнутраных спраў».

Францускі адвакат гаворыць, што ён невыпадкова вылучыў зыск сёньня. Міністар Куляшоў цяпер знаходзіцца ў францускім Ліёне, дзе праходзяць мерапрыемствы «Інтэрполу».

Юрыст Бурдон таксама накіраваў ліст міністру юстыцыі Францыі. Ён патрабуе, каб Куляшова неадкладна арыштавалі і каб ён знаходзіўся ў распараджэньні францускіх уладаў:

«Гэта вельмі тэрміновая справа. Неабходна як мага хутчэй зрабіць захады, каб правесьці расьсьледаваньне і вызначыць ягоную адказнасьць за зробленыя правапарушэньні».

***

Як паведаміла БелаПАН памочніца Ўільяма Бурдона, Куляшова абвінавачваюць у катаваньнях. Адвакат Бурдон дзейнічае ад імя пяці беларусаў.

«Шанцы, што спадара Куляшова арыштуюць, досыць высокія, і мы на гэта разьлічваем», – адзначыла памочніца адваката.

Яна не сказала, чые менавіта інтарэсы прадстаўляе адвакат. Разам з тым грамадзянская ініцыятыва Free Belarus Now распаўсюдзіла заяву аб тым, што Бурдон дзейнічае ад яе імя. Ініцыятыва Free Belarus Now заснаваная сем'ямі апазыцыйных палітыкаў і журналістаў, якія былі арыштаваныя падчас разгону дэманстрацыі 19 сьнежня 2010 году ў Менску.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international