У Віцебску чатыры гадзіны дапытвалі жонку Каваленкі

2012 2012-01-20T09:47:06+0300 1970-01-01T03:00:00+0300 be

Алена Каваленка апавяла, што сёньня яе дапыталі па крымінальнай справе мужа. Допыт доўжыўся чатыры гадзіны.
«Сьледчага цікавіла, на якіх аб’ектах працаваў Сяргей, чаму мы жывем зь ягонай маці, а не асобна. Пыталіся і пра тыя інцыдэнты, за якія завялі справу: пра выхад зь бел-чырвона-белым сьцягам 24 сакавіка, пра спазьненьне дахаты, калі мы зь ім разам былі ў пракуратуры. Патыўся сьледчы шмат, а запісаў у пратакол зусім ня так, як я гаварыла. Потым я запатрабавала, каб усё было выпраўлена».
У СІЗА Алена Каваленка зноў пыталася пра стан здароўя мужа. Яна кажа, што начальнік мэдсанчасткі быў нешматслоўны — зноў не паведаміў падрабязнасьцяў пра прымусовае кармленьне, толькі сказаў, што стан зьняволенага «здавальняючы», і што пераводу ў шпіталь ён не вымагае.
Аднапартыйцы з КХП БНФ падалі ў сьледчы камітэт заяву, што просяць выпусьціць Сяргея Каваленку пад грашовы заклад, паведаміла Алена Каваленка. З падобнай просьбай некалькі дзён таму ў віцебскі сьледчы камітэт зьвярталася і яна сама. Адказу ёй яшчэ не далі.
Сяргей Каваленка знаходзіцца ў СІЗА з 22 сьнежня. На знак пратэсту супраць крымінальнага абвінавачаньня ён распачаў галадоўку пратэсту, якую афіцыйна не спыніў, хаця ў СІЗА яго пачалі карміць праз зонд, прымусова.
Актывіста вінавацяць у парушэньні рэжыму адбываньня «хатняй хіміі» — пакараньня, прысуджанага яму ў 2010 годзе за ўзьняты на гарадзкой ёлцы бел-чырвона-белы сьцяг.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international