Ці выпусцяць Сяргея Каваленку пад заклад?

2012 2012-01-17T09:40:43+0300 1970-01-01T03:00:00+0300 be http://spring96.org/files/images/sources/kavalenka-zonka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алена Каваленка

Алена Каваленка

Жонцы віцебскага актывіста, якая звярнулася з заявай пра гэта ў следчы камітэт, паабяцалі даць адказ на працягу 15-ці дзён. Суму грашовага закладу таксама павінны вызначыць следчыя, калі дадуць сваю згоду. Алена Каваленка аргументавала сваю заяву тым, што муж ужо амаль месяц знаходзіцца ў СІЗА ў стане галадоўкі супраць несправядлівага, на ягоную думку, зняволення. І з кожным днём расце небяспека  незваротных наступстваў для яго здароўя.

 

"Пакуль, як нам кажуць, стан здароўя Сяргея здавальняючы. Так нам з яго маці кажуць лекары з СІЗА. Кажуць таксама, што яму ставяць кропельніцы – мы ведаем, што з глюкозай, а з чым яшчэ – невядома", -- распавяла Алена Каваленка.

 

16 студзеня яны прыходзілі ў СІЗА, бо хацелі павіншаваць Сяргея з днём народзінаў: 16 студзеня яму споўнілася 37 гадоў. Кветкі для яго перадаць адмовіліся, бо па панядзелках перадачы не прымаюцца ўвогуле. Сябры і аднадумцы даслалі Сяргею ў СІЗА тэлеграмы – каб трымаўся  і каб бярог сябе. А букет белых і чырвоных гваздзікоў, які не трапіў да зняволенага, перадалі ягонай маці, спадарыні Лідзіі.

 

З 22 снежня актывіст знаходзіцца ў СІЗА паводле крымінальнага абвінавачання. Супраць яго распачалі справу паводле артыкулу 415 "Ухіленне ад адбывання пакарання".  Яго вінавацяць у парушэннях адбывання рэжыму ўмоўнага пакарання – "хатняй хіміі", прысуджанай яму за тое, што 7 студзеня 2010 году ён вывесіў бел-чырвона-белы сцяг на навагодняй елцы. Незадоўга да таго, як яго змясцілі ў СІЗА, Сяргей Каваленка падаў скаргу ў Камітэт ААН па правох чалавека. Такім чынам ён спрабуе аспрэчыць прысуд, вынесены яму за вывешваньне сцяга на елцы, якое суд кваліфікаваў як злоснае хуліганства.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international