У Еўрапарламенце абмеркавалі сітуацыю з Алесем Бяляцкім

2012 2012-01-16T12:11:45+0300 1970-01-01T03:00:00+0300 be http://spring96.org/files/images/sources/brusel-12.01.12.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дэлегацыя Міжнароднай Федэрацыі за правы чалавека (FIDH) прымала ўдзел у паседжанні камітэта па замежных справах Еўрапарламента, што праходзіла ў Бруселі 12 студзеня.

Прадстаўнік FIDH Жан-Мары Рог (на здымку) меў кароткі выступ падчас паседжання. У сваім выступе ён асобна звярнуў увагу ўсіх прысутных на сітуацыю з віцэ-прэзідэнтам FIDH, кіраўніком Праваабарончага цэнтра “Вясна” Алесем Бяляцкім. У знак салідарнасці са сваім калегам усе прадстаўнікі дэлегацыі FIDH прыйшлі на паседжанне Еўрапарламента ў майках з выявамі Алеся.

Нагадаем, што 12 студзеня ў Бруселі ў рамках паседжання камітэта па замежных справах Еўрапарламента прайшла дыскусія па Беларусі. Сярод іншых удзельнікаў дыскусіі пра значнасць падтрымкі грамадзянскай супольнасці Беларусі казаў у сваім выступе еўракамісар па пытаннях пашырэння Еўрапейскай палітыкі добрасуседства Штэфан Фюле. “Улады павінны неадкладна вызваліць затрыманых і спыніць крымінальны пераслед у дачыненні да іх, калі жадаюць пазбегнуць санкцыяў. Гэта пытанне некалькіх дзён, а не тыдняў”, - цытуе БелаПАН словы еўракамісара. Палітычнае рашэнне Еўрасаюза пра санкцыі супраць беларускіх чыноўнікаў мусіць быць прынята 31 студзеня на нарадзе міністраў замежных справаў ЕС.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international