Сяргей Каваленка аштрафаваны на 140 тысяч рублёў (відэа)

2012 2012-01-12T18:15:02+0300 1970-01-01T03:00:00+0300 be http://spring96.org/files/images/sources/kavalenka-sud.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сяргей Каваленка ў судзе

Сяргей Каваленка ў судзе

У Першамайскім райсудзе Віцебску завяршыўся разгляд адміністрацыйнай справы апазіцыйнага актывіста, якога прызналі вінаватым у хуліганстве. Суддзя Вольга Іванова аштрафавала Сяргея Каваленку за нібыта нецэнзурную лаянку на адрас супрацоўнікаў інспекцыі па выкананні пакаранняў. Сваю невінаватасць ён імкнуўся давесці падчас чатырох судовых пасяджэнняў, але – безвынікова.

Больш за месяц ішло разбіральніцтва па справе Сяргея Каваленкі. Падсумоўваючы вынікі, ягоны адвакат прасіў суд спыніць справу, бо на працэсе не было прадстаўлена відавочных доказаў вінаватасці яго падабароннага, а сведчанні боку абвінавачання разыходзіліся.

Тым не менш, суддзя прызнала віцебскага актывіста вінаватым і аштрафавала яго на чатыры базавыя велічыні. Як Сяргей Каваленка будзе выплачваць штраф – гэта пытанне, бо ўжо больш як тры тыдні ён знаходзіцца ў следчым ізалятары.

Яго змясцілі пад варту на час следства па крымінальнай справе,  распачатай паводле артыкула 415 «Ухіленне ад адбыцця пакарання».Сяргея Каваленку вінавацяць у парушэньнях рэжыму падчас «хатняй хіміі», прысуджанай яму ў 2010 годзе за тое, што 7 студзеня ён вывесіў на гарадской навагодняй елцы бел-чырвона-белы сцяг. Тое, што яго прызналі вінаватым у хуліганстве – нецэнзурнай лаянцы – таксама будзе расцэнена як яшчэ адно парушэнне.

Актывіст лічыць, што яго пераследуюць незаконна, і таму на знак пратэсту 25 дзён таму ён распачаў галадоўку. За гэты час ён вельмі схуднеў, хоць яму і колюць глюклзу для падтрымкі арганізму. Маці актывіста, Лідзія Каваленка, напісала ў СІЗА заяву, каб сына перавялі ў шпіталь, дзе яму змогуць аказваць кваліфікаваную медычную дапамогу. Але сам Сяргей Каваленка спыняць галадоўку пратэсту катэгарычна адмаўляецца.

 

 

Сяргей Каваленка аштрафаваны на 140 тысяч рублёў (відэа)

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international