Баранавіцкія чыноўнікі вінавацяць прадпрымальніка Мікалая Чарнавуса ў самаўпраўстве

2012 2012-01-10T12:06:10+0300 1970-01-01T03:00:00+0300 be http://spring96.org/files/images/sources/charnavus-runak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Прадпрымальнік і грамадскі актывіст з Баранавічаў Мікалай Чарнавус

Прадпрымальнік і грамадскі актывіст з Баранавічаў Мікалай Чарнавус

9 студзеня баранавіцкі грамадскі актывіст Мікалай Чарнавус быў выкліканы ў гарадскі аддзел ўнутраных спраў (кабінет № 106 ГАУС, вуліца 50 год УЛКСМ, д.1). У размове з маёрам міліцыі Віталем Дабрачынскім і лейтэнантам Аляксандрам Самцэвічам ён даведаўся, што баранаіцкія чыноўнікі яго вінавацяць у самаўпраўстве.

Мікалай Чарнавус паведаміў, што з Баранавіцкага гарвыканкама ў пракуратуру быў накіраваны ліст, у якім сказана, што актывіст парушае заканадаўства пры стварэнні грамадскага аб’яднання ўкраінскай дыяспары “Кабзар”. Таксама Мікалая Чарнавуса вінавацяць у абразе мясцовай улады. Падставай для гэтага стала тое, што грамадскі актывіст назваў махлярствам паўторныя выбары Рады цэнтральнага кірмашу, якія правяла ягоная адміністрацыя ў снежні 2011 года.

Сам Мікалай Чарнавус лічыць, што ціск на яго пачаўся таму, што ён падаў у гарвыканкам заяву на мітынг 19 студзеня, у якім плануецца ўдзел 600 прадпрымальнікаў. На мітынгу Мікалай Чарнавус плануе праінфармаваць прадпрымальнікаў і грамадскасць горада аб несумленных снежанскіх выбарах Рады цэнтральнага кірмашу і махлярстве фірмы “Ралет-мантаж” пры забудове боксаў на Баранавіцкім кааператыўным кірмашы.

Размова ў міліцыі скончылася складаннем тлумачальнай.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international