Брэст: партыйнай суполцы адмаўляюць у рэгістрацыі юрыдычнага адраса

2012 2012-01-03T11:00:16+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Брэсцкая гарадская арганізацыя Беларускай партыі левых «Справядлівы свет» у чарговы раз атрымала адмову з мясцовага гарвыканкаму наконт узгаднення новага месца для рэгістрацыі сваёй суполкі ў прыватным доме, які належыць старшыні арганізацыі.

Для ўзгаднення юрыдычнага адрасу ў жылым будынку на падставе пераліку адміністратыўных працэдур у мясцовы выканаўчы орган падаецца заява, тэхнічны пашпарт, дакумент, які пацвярджае права ўласнасці і згоду ўладальніка дома. Усе неабходныя паперы былі дасланыя ў гарвыканкам, аднак адтуль кіраўніку партыйнай структуры Беларускай партыі левых «Справядлівы свет» ў Брэсце Людміле Дзенісенка (на фота) прыйшла ўжо трэцяя па ліку адмова.

 

Калі ў першы раз пры адмове было рэкамендавана ў адпаведнасці з указам прэзідэнта №479, выдадзеным у 2009-м годзе, перавесці жылое памяшканне для юрыдычнага адрасу ў нежылое (хаця ў вышэйзгаданым указе размова ідзе пра паляпшэнне ўмоў для заняткаў прадпрымальніцкай дзейнасцю, а не размячэння структураў палітычных партый), у другі – была спасылка, што, быццам бы, памяшканне не адпавядае нормам супрацьпажарнай бяспекі, дык зараз адмова гарвыканкама ўзгадніць размяшчэнне партыйнай суполкі ўвогуле пазбаўлена якіх-небудзь тлумачэнняў прычын і спасылак на законы.

 

Людміла Дзенісенка здзіўлена, што чыноўнікі гарвыканкама рыхтуюць такія адказы, якія ніяк не грунтуюцца на законадаўстве. “Артыкул 2 Канстытуцыі Беларусі абвяшчае, што чалавек, яго правы, свабоды і гарантыі іх рэалізацыі з'яўляюцца найвышэйшай каштоўнасцю грамадства і дзяржавы, - кажа Людміла Дзенісенка. - Аднак на справе атрымліваецца, што нават у сваім уласным доме я, старшыня Брэсцкай гарадской арганізацыі, не маю права без дазволу выканаўчай улады мець юрыдычны адрас свайго партыйнага органа”.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international