БХК звярнулася ў камісію па пытаннях памілавання пры Прэзідэнце

2011 2011-12-28T13:31:26+0300 1970-01-01T03:00:00+0300 be

Старшыня РПГА «Беларускі Хельсінкскі камітэт» Алег Гулак звярнуўся ў Камісію па пытаннях памілавання пры Прэзідэнце Рэспублікі Беларусь з просьбай аб запрашэнні прадстаўніка БХК * на паседжанне Камісіі.

Згодна з п. 9 Указа Прэзідэнта Рэспублікі Беларусь ад 1994/12/03 N 250 "Аб зацвярджэнні Палажэння аб парадку ажыццяўлення ў Рэспубліцы Беларусь памілавання асуджаных, вызвалення ад крымінальнай адказнасці асоб, якія садзейнічалі раскрыццю і ліквідацыі наступстваў злачынстваў", Камісія па пытаннях памілавання можа запрашаць на свае паседжанні прадстаўнікоў дзяржаўных органаў, грамадскіх аб'яднанняў, сродкаў масавай інфармацыі.

У сваім звароце Алег Гулак адзначае, што "ўдзел прадстаўніка нашага грамадскага аб'яднання ў паседжанні Камісіі па пытаннях памілавання пры Прэзідэнце Рэспублікі Беларусь дасць магчымасць адлюстраваць пазіцыю часткі беларускага грамадства, якая выступае за адмену смяротнага пакарання, а таксама будзе спрыяць далейшай гуманізацыі беларускага грамадства."

Апошнія навіны

Партнёрства

Сяброўства