Палітвязьню Артуру Фінькевічу раяць адмовіцца ад атрыманьня недзяржаўнай прэсы

2006 2006-07-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Па інфармацыі Радыё Свабода, супрацоўнікі магілёўскай папраўчай установы адкрытага тыпу за мінулы тыдзень двойчы рабілі ператрус асабістых рэчаў палітвязьня Артура Фінькевіча. У выніку начальнік спецкамендатуры настойліва параіў арыштанту адмовіцца ад атрыманьня недзяржаўных выданьняў  "Нашай нівы", "Народнай волі", часопісу "ARCHE" ды інфармацыйных бюлетэняў моладзевых арганізацыяў.
Начальнік спецкамендатуры не задаволены зьяўленьнем публікацыяў пра жыцьцё Фінькевіча ў папраўчай установе. У прыватнай гутарцы міліцыянт зазначыў, што зьняволеным не забараняецца атрымліваць прэсу. І дадаў пры гэтым: "Лепей бы яе не было". Кіраўнік спецкамендатуры паведаміў Артуру Фінькевічу, што пры добрым зьбегу акалічнасьцяў праз тры месяцы зьняволены зможа наведаць сваякоў.

Між тым Артур Фінькевіч падсобнікам адпрацаваў першы тыдзень на цагельні супольнага беларуска-польскага прадпрыемства "Dream", адгружаючы цэглу й прыбіраючы будаўнічы друз.
Актывіста незарэгістраванай арганізацыі "Малады фронт" Артура Фінькевіча пакаралі двума гадамі абмежаваньня волі за графіці палітычнага зьместу  "Достал" і "Мы хочам новага". Падчас выбарчай кампаніі Артур Фінькевіч правёў амаль тры месяцы за кратамі сьледчага ізалятару. У папраўчай установе Магілёва ён ад 29 чэрвеня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international