Абласны суд пакінуў у сіле судовае рашэнне па магілёўскім назіральніцам
14 снежня Магілёўскі абласны суд не задаволіў касацыйныя скаргі назіральніц Людмілы Кавылкінай і Ларысы Шукайла ад кампаніі “За свабодныя выбары”, арганізаванай падчас мінулых прэзідэнцкіх выбараў .
Жанчыны дамагаліся адмены рашэння суда Ленінскага раёна па зыску былой старшыні адной з выбарчых камісій Ірыны Зямцовай аб кампенсацыі маральнай шкоды за тое, што жанчыны нібыта абвінавацілі яе ў тым, што яна ў дзень выбараў знаходзілася ў стане алкагольнага ап’янення.
Нагадаем, што паводле пастановы суда Ленінскага раёна Магілёва Людміла Кавылкіна і Ларыса Шукайла былі прыцягнуты да адміністрацыйнай адказнасці за паклёп. Суд пакараў іх штрафамі ў памеры 525 тысяч штрафу кожную. Пасля гэтага Ірына Зямцова спагнала ў судовым парадку з былых назіральніц па 300 тысяч рублёў з кожнай. Сустрэчны зыск Людмілы Кавылкінай і Ларысе Шукайлы быў адхілены.
