Акцыя ў Познані ў падтрымку беларускіх палітвязьняў

14 снежня ў Познані (Польшча) адбылася акцыя салідарнасці з палітвязнямі на Беларусі. На пачатку акцыі былі прачытаны імёны вязняў сумлення і былі запалены 12 паходняў, пасля чаго арганізатары нагадалі аб важнасці салідарнасці палякаў з беларусамі, якія пераследуюцца ўладамі за апазыцыйную дзейнасць.

Пасля мітынгу удзельнікі прайшлі адной з галоўных вуліц горада. У канцы акцыі на знак недапушчальнасці пераследу за палітычныя погляды адбылася “гучная хвіліна” (супрацьлегла хвіліне цішыні) якая была сымбалем таго, што нельга замоўчваць такія праблемы і варта казаць аб гэтым гучна і публічна. Таксама ўдзельнікі падпісалі карткі, якія пазней будуць дасланыя непасрэдна палітвязням.