Бабруйчане віншуюць палітвязняў з надыходзячымі святамі

2011 2011-12-13T16:30:11+0300 1970-01-01T03:00:00+0300 be http://spring96.org/files/images/sources/babr-pashtouki-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дэмакратычныя актывісты горада Бабруйска 12 снежня накіравалі ўсім беларускім палітзняволеным віншавальныя паштоўкі з надыходзячымі святамі - Раством і Новым годам. Правядзенне акцыі ў падтрымку беларускіх палітвязняў у горадзе ініцыявалі бабруйскія актывісты кампаніі “Гавары праўду!”.

“Усяго мы падпісалі і адаслалі па пошце некалькі дзесяткаў такіх віншавальных паштовак, - кажа каардынатар кампаніі “Гавары праўду!” па горадзе Бабруйску Алена Мядзведзева. – Паштоўкі дасылалісь усім беларускім палітвязням, адрасы тых месцаў, дзе яны адбываюць пакаранне, мы даведаліся з дапамогай інтэрнэт-сайта Праваабарончага цэнтра “Вясна”. Такім чынам мы хацелі хоць неяк падтрымаць гэтых мужных людзей і паказаць, што мы пра іх памятаем. Вельмі важна, каб святочныя дні не былі самотнымі для палітвязняў”.

Па словах Алены Мядзведзевай, паштоўкі адпраўлялісь загадзя, каб палітвязні змаглі атрымаць іх да святаў.

“ Мы ведаем, што лісты ў выпраўленчыя калоніі чамусьці ідуць вельмі доўга, таму даслалі віншавальныя паштоўкі загадзя, каб палітвязні здолелі атрымаць іх да святаў. Пісалі паштоўкі ў асноўным жанчыны. Спадзяёмся, нашы віншаванні дойдуць і хоць крышачку сагрэюць гэтых мужных мужчын,” – кажа Алена Мядзведзева.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international